خطايى ، على اكبر
260
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
مستحق اولور زيرا هر نقدر غلال بيع و شرا اولور ايسه ميرى طرفندن دفتر اوننوب ضبط اولنمشدر اكر بو احوالدن غلال دفع اولمزايسه فقرايه انبار پادشاهيدن حالنه كوره جرايه تعيين ايدوب وسعت اولان يرلره وارك ديرلر اكر بو طريق ايله دخى دفع و رفع اولمز ايسه جميع ولايته احكام ارسال اولنور كه هر كمسه كه يوزمت بغداى كتوررسه يكرمى نفر منصب ويريلور بو اسلوب اوزره نقدر زياده كتوررسه اكاكوره پايه و مقدار بولور بعده اطراف و جوانبدن اولقدر غله كلوركه ولايت مالامال اولور بعدهينه حكملر ارسال اولنور كه بسدر ارتق كتورمك ديو تنبيه اولنور فصل و شهرلرنده حريق واقع اولسه اوج و جهله دفع ايدرلر برى بو كه باسبانلر كيجه فانوسلر ايله ذكر اولنان چاكلرى چاله رق كزرلر اتش واقع اولسه فى الحال سويندررلر ايكجى وجهى بودر كه هراوده هر كيجه وافر صولر حاضر ايدرلر واى اول كمسنه نك حالنه كه صويى اولميوب اتش ظهورنده در حال دفع اولميه اول كمسهيى اولاد و انسابيله اتشه يقارلر اوچنجى وجهى بودر كه اتش خوفندن محله و يازارلرينى بربرينه متصل ايتميوب مابينلرينى انفصال اوزره بنا ايتمشلردر شويله كه زياده حريق اولوب سويندرمكه امكان اولمسه اتش متصل اولميوب دفع اولور فصل اول ولايتده بر جنس طاش واردر كه اودون يرينه يقارلر و دكرمنلرى بناسنك قانونى بودر كه دكر من تختنه طاش دوشرلر اوستنه قومازلر بر كمسنه دكرمن اوستنه طاش قويسه خلاف قانون ايلدى ديو اولدررلر فصل اهل چينك بلا تشبيه صورت حج و طوافلرى و اول يولده چكدكلرى زياضتلرى شويله در كه درت بيك ييلدن متجاوز پيغمبر اعتقاد ايتدكلرى شامكونى زماننده بر عظيم كليسا بنا اولنمشدر انك طوافنه كيدن خلق اول طريقده عجيب رياضتلر و غريب حلهلر چكرلر و اخر رياضت و كمال مجاهدهلرينك نهايتى بودر كه اول كليسايه قريب بر طاغ واردر كه اول طاغك كمرنده ادم اويلوغى كبى بر ميخ وضع اولنمشدر اول كمسهنك كه رياضتى كماله يتشدى اول ميخه برايب باغلر و بر اوجنى كندى مياننه باغليوب اول ايب ايله اول ميخ اوزرينه چقار و ايپى بلندن چوزوب يره براغور و هزار خوف وحشيت ايلهانده اوتورر اكر اشاغه و يايوقارى باقسه كورى قرارريره دوشوب بيك پاره اولور اكر اول ميخ اوزرنده قرق كون مقدارى اويوميوب و خوف ايتميوب اوتورر ايسه كثرت رياضتندن اوچمغه